لاہور: (ویب ڈیسک) پاکستانی تمغہ امتیاز اداکارہ مہوش حیات نے سعودی عرب میں اپنی والدہ اور بھائی کے ساتھ عمرہ کی سعادت حاصل کر لی۔
سماجی رابطے کی ویب سائٹ ٹویٹر اور انسٹا گرام پر جمعہ کے روز پاکستانی اداکارہ کی طرف سے ایک تصویر شیئر کی گئی، یہ تصویر انہوں نے اپنے مداحوں کے لیے شیئرز کی اور بتایا کہ میں نے اپنی والدہ اور بھائی کے ساتھ عمرہ کی سعادت حاصل کر لی ہے۔
Jumma Mubarak . By the Grace of Allah, I have been blessed to be able to perform Umrah. The feeling of being here with my family cannot be expressed in words. A truly moving and humbling journey that I pray every Muslim in the world gets to be able to experience as well Ameen pic.twitter.com/vMDGdWH4Di
— Mehwish Hayat TI (@MehwishHayat) November 29, 2019
سماجی رابطے کی ویب سائٹ ٹویٹر پر ٹویٹ کرتے ہوئے مہوش حیات کا کہنا تھا کہ بھائی دانش حیات، والدہ رخسار حیات کے ساتھ خانہ کعبہ میں موجود ہوں۔
ٹویٹ میں انہوں نے مزید لکھا کہ جمعہ مبارک، اللہ تعالیٰ کے کرم نوازی سے میں نے عمرہ ادا کیا،خاندان والوں کے ساتھ عمرہ کی سعادت حاصل کرنےوالے ان لمحات کو لفظوں میں بیان نہیں کر سکتی۔
اداکارہ کا مزید کہنا تھا کہ میں عمرہ کی سعادت حاصل کرنے کے لیے ہر مسلمان کی طرح ہر روز دعائیں کرتی رہتی تھی۔
مداحوں کے لیے شیئرز کی گئی تصویر میں دیکھا جا سکتا ہے کہ اداکارہ مہوش حیات نے حجاب اور کالا رنگ کا عبایا پہنا ہوا ہے اور ہاتھ میں تسبیح بھی پکڑی ہوئی ہے جبکہ ان کے بھائی نے سفید رنگ کا احرام پہنا ہوا ہے۔
