لاہور: (روزنامہ دنیا) فلم لال کبوتر کی خصوصی سکریننگ دبئی میں ہوئی جس میں فلم کے کاسٹ اور ہدایتکار کو ایوارڈز سے نوازا گیا۔
میڈیا رپورٹ کے مطابق فلم کی ہیروئین منشا پاشا نے بتایا کہ فلم کی سکریننگ کے موقع پر ہماری صنعت سے وابستہ لوگوں نے سب کے کام کی تعریف کی۔
واضح رہے کہ رومانس، کامیڈی اور ایکشن سے بھر پور فلم لال کبوتر کراچی کے سماجی مسائل پربنائی گئی ہے جس میں ہیروئن اپنے شوہر کے قاتل کی تلاش میں کئی مسائل کا سامنا کرتی ہے جبکہ پیسہ بنانے کا شوقین ایک ٹیکسی ڈرائیور مدد کرتا ہے تاہم اسے ہیروئن سے محبت ہو جاتی ہے جس پر آخر میں دونوں شادی کر لیتے ہیں۔
فلم کی کہانی عباس نقوی نے لکھی ہے جبکہ ہدایات کمال خان نے دی ہیں۔
