لاہور: (روزنامہ دنیا) اداکارہ ثروت گیلانی نے رمضان المبارک کے پیش نظر ماؤں کو بچوں کیلئے منفرد اور رنگین تسبیح بنانا سکھا دی۔
میڈیا رپورٹ کے مطابق اداکارہ سوشل میڈیا پر شیئر کی گئی اپنی ویڈیوز میں مہارت سے رنگین موتیوں، دھاگے، اون اور سوئی کی مدد سے بچوں کیلئے تسبیح بناتی دکھائی دے رہی ہیں۔
اداکارہ کا کہنا تھا کہ مختلف موتیوں سے تسبیح بنائی جا سکتی ہیں، لاک ڈاؤن کی وجہ سے فارغ وقت میں گھر پر موجود کسی بھی قسم کے موتیوں سے رنگین تسبیح بنائیں اور بچوں کو پڑھنے کی ترغیب دلائیں۔ تسبیح کی ہماری زندگی میں کیا اہمیت ہے، بچوں کو یہ بتانا ضروری ہے۔
