لاہور: (ویب ڈیسک) پاکستانی اداکارہ اور میزبان وینا ملک کی جانب سے بھارتی سابق کرکٹر اور سیاست دان گوتم گمبھیر کو ٹوئٹر پر خوب تنقید کا نشانہ بنایا۔
تفصیلات کے مطابق پاکستانی پیروڈی کوئین وینا ملک سوشل میڈیا پر کافی متحرک نظر آتی ہیں اور حالات حاضرہ سمیت سیاست پر بھی تبصرے کرتی رہتی ہیں ۔
حال ہی میں بھارتی سیاست دان، سابق کرکٹرگوتم گمبھیر کی جانب سے شیخی بگھارتے ہوئے سماجی رابطے کی ویب سائٹ ٹوئٹر پر ایک تصویر شیئر کی گئی جس میں 6 فائٹر جیٹ فضا میں اُڑ رہے ہیں ، انہوں نے فائٹر جیٹ کو پرندوں سےتشبیہ دیتے ہوئے لکھا کہ ’ آخر کار بڑے پرندے یہاں موجود ہیں۔‘
The Big Birds are finally here! pic.twitter.com/uk9vdIMlwU
— Gautam Gambhir (@GautamGambhir) July 29, 2020
سابق کرکٹر کی جانب سے شیئر کی گئی اس تصویر پر پاکستانی ٹوئٹر صارفین کی جانب سے اُن کا خوب مذاق بنایا گیا ، ٹوئٹر صارفین نے گوتم کو یاد دلایا کہ انہیں پاکستان بھیج دیں ، چائے تقریباً تیار ہے ۔
Don’t cross line
— Sadia Ali (@_SadiaAli_) July 30, 2020
Stay home , stay safe pic.twitter.com/nsblNDvEbV
دوسری جانب وینا ملک نے بھی گوتھم کا ٹوئٹ اپنے اکاؤنٹ پر ری ٹویٹ کرتے ہوئے لکھا کہ 7 بڑے پرندے 7 بڑے چائے کے کپ کے مساوی ہیں ۔
7 Big Birds = 7 Big Mugs of Tea https://t.co/uiWWDTdKKN
— VEENA MALIK (@iVeenaKhan) July 30, 2020
وینا ملک کی جانب سے دیئے گئے اس جواب پر مداحوں کی جانب سے انہیں خوب سراہا جا رہا ہے ۔
واضح رہے کہ 27 فروری 2019ء کو پاک فضائیہ نے بھارتی طیارہ گرایا تھا جبکہ پائلٹ ابھی نندن کو گرفتار کر لیا گیا تھا۔
