لاہور: (ویب ڈیسک) پاکستان کی معروف اور تمغہ امتیاز حاصل کرنیوالی اداکارہ مہوش حیات نے سوشل میڈیا اکاؤنٹس پر معنی خیز پیغام شیئر کیا ہے جسے اُن کے مداحوں کی جانب سے خوب سراہا جا رہا ہے ۔
تفصیلات کے مطابق مہوش حیات اپنے سوشل میڈیا پر کافی متحرک نظر آ تی ہیں اور آئے دن اپنی خوبصورت تصاویر اور خیالات شیئر کرتی رہتی ہیں جنہیں فنکار برادری سمیت اُن کے مداحوں کی جانب سے بھی خوب پسند کیا جاتا ہے ۔
چند گھنٹوں قبل مہوش حیات نے اپنے سوشل میڈیا اکاؤنٹ فوٹو ویڈیو شیئرنگ ایپلیکیشن اور مائیکروبلاگنگ ویب سائٹ ٹوئٹر پر اپنی ایک دلکش تصویر شیئر کی ہے، مہوش کی جانب سے شیئر کی گئی تصویر پر کیپشن میں فکر انگیز پیغام بھی لکھا گیا ہے ۔
“The axe forgets but the tree remembers... ”#karmaisreal #patienceispower pic.twitter.com/Oo8q7JFVx5
— Mehwish Hayat TI (@MehwishHayat) August 18, 2020
مہوش نے اپنی تصویر کے ساتھ انگریزی زبان میں پیغام لکھا ہے جس کا اردو میں ترجمہ کچھ یوں ہے کہ کلہاڑی کاٹ کر بھول جاتی ہے لیکن کٹے ہوئے درخت کو یاد رہتا ہے۔
مہوش کی اس تصویر پر مداحوں سمیت پاکستان شوبز انڈسٹری کی معروف شخصیات کی جانب سے بھی کمنٹس کرتے ہوئے مہوش کے ساتھ پیار کا اظہار کیا گیا ہے جن میں گلوکارہ آئمہ بیگ، اداکارہ عبیرہ اور اداکار اظفر رحمان شامل ہیں ۔
