لاہور: (روزنامہ دنیا) اداکارہ عائزہ خان انسٹاگرام پر مقبول ترین اداکارہ ایمن خان کے قریب پہنچ گئی ہیں جن کے فالوورز کی تعداد 76لاکھ ہے، امکان ہے کہ عائزہ کے مداحوں کی بڑھتی تعداد انہیں جلد نمبر ایک بنا دے گی۔
میڈیا رپورٹ کے مطابق اداکارہ عائزہ خان نے انسٹاگرام پر75لاکھ فالوورزکا سنگ میل عبورکرلیا ہے اوروہ ایمن خان کے قریب پہنچ گئی ہیں جن کے فالوورز کی تعداد 76لاکھ ہے۔عائزہ خان نے سوشل میڈیا پر پیغام میں اپنے مداحوں کا شکریہ ادا کرتے ہوئے کیپشن میں لکھا کہ ’’شکریہ میرے 75لاکھ دل‘‘۔
اداکارہ ایمن خان سوشل میڈیا پراکثر اپنی بیٹی کے ساتھ تصاویر شیئرکرتی ہیں اور ان کے فالوورز بھی ان کے بارے میں متجسس رہتے ہیں۔ اداکارہ کا کہنا ہے کہ ان کے کیریئر میں سوشل میڈیا نے کافی مدد دی ہے۔اب دیکھنا یہ ہے کہ عائزہ خان ، ایمن سے جیتنے میں کامیاب ہوتی ہیں یا نہیں۔
