لاہور: (دنیا نیوز) چاکلیٹی ہیرو وحید مراد کی آج 37ویں برسی منائی جا رہی ہے ، وہ23نومبر 1983 کو ایک ٹریفک حادثے میں دارفانی سے کوچ کرگئے تھے۔
میڈیا رپورٹ کے مطابق وحید مراد کو ان کی وفات کے27سال بعد 2010 میں ستارہ امتیاز سے نوازاگیاتھا، آج ان کی 37ویں برسی منائی جا رہی ہے۔ وحید مراد 2 اکتوبر 1938 کو کراچی میں پیدا ہوئے، ایم اے انگلش کرنے کے بعد محض 21 برس کی عمر میں فنی کیریئر کا آغاز فلم ’’اولاد‘‘سے کیا۔
1966 میں وحید مراد نے اپنی پروڈکشن کے بینر تلے بنی کامیاب فلم ’’ارمان‘‘میں کام کیا، انہوں نے کل 124 فلموں میں کام کیا جن میں8 پنجابی اور ایک پشتو فلم بھی شامل ہے۔ 1980 میں وحید مراد کا خوفناک ایکسیڈنٹ ہوا تھا جس میں وہ شدید زخمی ہوگئے تھے۔ وحید مراد 23 نومبر 1983 کو خالق حقیقی سے جا ملے۔
