نئی دہلی: (ویب ڈیسک) بالی ووڈ اداکارہ انوشکا شرما اور بھارتی کپتان ویرات کوہلی بیٹی کے والدین بن گئے ہیں۔
اپنے انسٹاگرام اکائونٹ پر ویرات کوہلی نے اعلان کیا کہ آخر کار وہ اور ان کی اہلیہ بچی کے والدین بن گئے ہیں ہم اپنے چاہنے والوں کے ساتھ یہ خوشی کی خبر شیئر کرنا چاہتے ہیں کہ آج سہ پہر ہم بیٹی کے والدین بنے ہیں۔
— Virat Kohli (@imVkohli) January 11, 2021
انہوں نے مزید لکھا کہ انوشکا اور بیٹی دونوں صحت مند ہیں اور ہم اپنی زندگی کے اس نئے باب کا آغاز کرنے پر بہت خوشی محسوس کر رہے ہیں، ہم امید کرتے ہیں کہ آپ اس وقت ہماری پرائیوسی کا احترام کریں گے۔
یاد رہے کہ ویرات کوہلی اور انوشکا شرما نے 2017ء دسمبر میں اٹلی میں شادی کی تھی، ان کی شادی کی تقریبات میں صرف خاندان کے افراد اور قریبی دوست شامل تھے۔
انوشکا اور ویرات کی شادی سے قبل اٹلی میں ان کی منگنی اور مہندی کی رسومات ہوئیں، جس کے بعد بھارت واپس آکر ان دونوں نے دہلی اور ممبئی میں شادی کے استقبالیہ منعقد کیے تھے۔
