لاہور: (ویب ڈیسک) پاکستان سپر لیگ (پی ایس ایل) سیزن 6 کے لیے گلوکار علی ظفر کو ایمرجنگ پلیئرز کیٹیگری میں شامل کرنے کا مطالبہ سامنے آ گیا۔
گلوکار علی ظفر کو پاکستان سپر لیگ (پی ایس ایل) کے آئندہ ایڈیشنز میں بطور کھلاڑی شامل کرنے کی صدا بلند ہو گئی۔ سابق کپتان اور سینئر بیٹسمین محمد حفیظ کرکٹ کھیلنے کا ایک کلپ سوشل میڈیا پر وائرل کرنے والے نامور گلوکار اور اداکار علی ظفر کی بیٹنگ کی مہارت دیکھ کر حیرت زدہ رہ گئے۔
Bhai get in Emerging players list for PSL season 6 @AliZafarsays https://t.co/Knp2j0uHQJ
— Mohammad Hafeez (@MHafeez22) January 4, 2021
ویڈیو میں دیکھا جا سکتا ہے کہ 40 سالہ علی ظفر کو ایک باؤلر کے خلاف زبردست شاٹ لگاتے دیکھا جاسکتا ہے اور گیند کافی دور جاکر گرتی ہے۔
Hahaha. Hazir https://t.co/Bn8H93PDrn
— Ali Zafar (@AliZafarsays) January 5, 2021
تجربہ کار آل رائونڈر محمد حفیظ نے اس ویڈیو پر ردعمل ظاہر کرتے ہوئے علی کی حوصلہ افزائی کی اور ٹویٹر پر لکھا کہ آئندہ پی ایس ایل سیزن6 کے لئے خود کو ایمرجنگ پلیئرز کیٹیگری میں شامل کریں۔
اس پر جواب دیتے ہوئے گلوکار علی ظفر نے ٹویٹر پر لکھا کہ ’حاضر‘۔
