ممبئی: (ویب ڈیسک) بالی وڈ اداکار سوشانت سنگھ کی پہلی برسی پر موت کی وجہ سامنے آ گئی، حکام کے مطابق آنجہانی اداکار نے خودکشی کی تھی۔
رپورٹ کے مطابق آ ل انڈیاانسٹی ٹیوٹ آف میڈیکل سائنسز نے سوشانت سنگھ راجپوت کی موت کی وجہ خود کشی کو قرار دیا ہے، اداکار نے گزشتہ برس 14 جون کو اپنے فلیٹ پر خود کشی کر لی تھی۔ پولیس نے سوشانت کے اہل خانہ کی درخواست پر بھارتی اداکارہ ریا چکربوتری کو بھی شامل تفتیش کیا تھا مگر ان پر قتل کا الزام ثابت نہیں ہو سکا۔
بھارتی پولیس طویل عرصہ شواہد اکٹھے کرتی رہی مگر حتمی نتیجہ نہ نکلا، ناقص تفتیش پر کیس بھارتی تحقیقاتی ادارے، سی بی آئی کے حوالے کیا گیا تھا جس کی معاونت کرتے ہوئے آل انڈیاانسٹی ٹیوٹ آف میڈیکل سائنسز کی فرانزک ٹیم نے بتایا کہ سوشانت کے جسم پر کسی زخم کا نشان نہیں تھا نہ ہی ان کے جسم میں شراب کی موجودگی کے شواہد ملے۔
