خلاصہ
- لاہور: (ویب ڈیسک) پاکستانی کرکٹ ٹیم کے سابق کپتان وسیم اکرم کی اہلیہ شنیرا اکرم نے کراچی میں معصوم بچی کے قتل پر شدید تشویش کرتے ہوئے کہا ہے کہ میں اس کے خلاف تب تک آواز بلند کرنا بند نہیں کروں گی جب تک ہمارا ملک اس حوالے سے کچھ کرتا نہیں۔
تفصیلات کے مطابق کراچی میں اغوا، تشدد اور زیادتی کے بعد بے رحمی سے قتل کی جانیوالی بچی کے واقعے پر قومی کرکٹ ٹیم کے سابق کپتان وسیم اکرم کی اہلیہ شنیرا کرم نے سخت برہمی کا اظہار کیا ہے۔
شنیرا نے سماجی رابطے کی ویب سائٹ ٹویٹر پر لکھا کہ یہ چھوٹی بچی میری بیٹی کی ہم عمر تھی جو گھر سے باہر کھیلنے گئی اور واپس نہ لوٹی۔
This little girl the same age as mine went out to play & never came back.
— Shaniera Akram (@iamShaniera) July 29, 2021
Tell me to stop talking about it, Go on I dare you??
This happened 20 min from my home. This happened in my city. This happening in our Country.
And This Keeps on happening!!
Tell me to stop? I won’t! https://t.co/jePMTwb7RQ
انہوں نے سخت لہجے میں کہا کہ مجھے بتائیں کیسے میں اس معاملے پر بات نہ کروں؟ یہ واقعہ میرے گھر سے محض 20 منٹ کی دوری پر ہوا ہے، یہ میرے شہر میں ہوا ہے، یہ میرے ملک میں ہو رہا ہے۔
شنیرا نے ٹوئٹ میں لکھا کہ مجھے یہ بتانا بند کریں کہ یہ سب جگہ ہوتا رہتا ہے، یہ پاکستان میں ہورہا ہے اور میں اس کے خلاف تب تک آواز بلند کرنا بند نہیں کروں گی جب تک ہمارا ملک اس حوالے سے کچھ کرتا نہیں ہے۔
Stop telling me this happens everywhere.
— Shaniera Akram (@iamShaniera) July 29, 2021
I’m telling you it’s happening in Pakistan. And I refuse to ignore it until our country does something about it!
Too much pain. Too much blood spilled. Not enough awareness. Not enough is being done to stop it.
When will it end!!!
انہوں نے کہا کہ بہت زیادہ خون بہہ چکا ہے، اس حوالے سے لوگوں کو آگاہی نہیں فراہم کی جارہی اور نا ہی ایسے واقعات کو روکنے کیلئے کوئی اقدام کیے جارہے ہیں۔
شنیرا نے آخر میں لکھا آخر یہ سب کب ختم ہوگا؟
