لاہور:(ویب ڈیسک) اپنی سریلی آواز کی وجہ سے بہت کم عرصے میں گلوکاری کی دنیا میں نام بنانے والی آئمہ بیگ دوران کانسرٹ خطرناک حادثے سے بال بال بچ گئیں۔
سماجی رابطے کی ویب سائٹس پر آئمہ بیگ کے کانسرٹ کی ویڈیو وائرل ہوئی جس سے واضح ہوتا ہے کہ وہ کیسے خوفناک حادثے سے خود کو بچانے میں کامیاب رہیں۔
وائرل ہونے والی ویڈیو میں دیکھا جاسکتا ہے کہ گلوکارہ کنسرٹ کے دوران شائقین سے بھرے ہال میں گانا گارہی تھیں جب اچانک سٹیج پر ان کے سامنے آگ کا تیز شعلہ بھڑک اٹھا۔
Aima Baig gets a scare as she steps a bit to close to a flare while performing at a concert #AimaBaig pic.twitter.com/yyomVyCxBt
— Galaxy Lollywood (@galaxylollywood) January 3, 2022
جیسے ہی آگ کا شعلہ بھڑکا آئمہ بیگ نے اپنے چہرے کو فوری طور پر پیچھے کرلیا اور اس طرح وہ خطرناک حادثے سے بچ گئیں۔ گلوکارہ آگ کے شعلے کو دیکھ کر خوفزدہ ہوگئیں اور گانا روک کر پیچھے ہٹ گئیں۔
اس خوفناک حادثے کے کنسرٹ انتظامیہ کے لوگ بھی سٹیج پر آگئے جبکہ سوشل میڈیا پر وائرل ہونے والی اس ویڈیو پر لوگ تشویش کا اظہار کرتے ہوئے گلوکارہ کو مزید احتیاط برتنے کا مشورہ دیتے رہے۔
