لاہور: (ویب ڈیسک) وزیراعظم عمران خان کے خلاف متحدہ اپوزیشن کی جانب سے قومی اسمبلی میں تحریک عدم اعتماد آنے کے بعد شوبز شخصیات پی ٹی آئی چیئر مین کی حمایت میں سامنے آ رہی ہیں، اداکار منیب بٹ، اداکار خالد انعم، اداکار بلال قریشی کے بعد پاکستانی فلم انڈسٹری کے سینئر اداکار شان شاہد نے بھی وزیراعظم کے حق میں ٹویٹ کر دی۔
سماجی رابطے کی ویب سائٹ ٹویٹر پر وزیراعظم کو ٹیگ کرتے ہوئے اداکار شان شاہد نے لکھا کہ عمران خان آپ نے ہمیں بدعنوانوں کے خلاف آواز اٹھانے کے خوف سے نجات دلائی۔ آپ نے ہمیں کرپٹ افراد سے سوال کرنے کی ہمت دی۔
اپنی ٹویٹ میں انہوں نے وزیراعظم کو مخاطب کرتے ہوئے لکھا کہ آپ نے ہمیں غلامانہ نیند میں سوئی ماضی کی حکومتوں کے خلاف جگایا، آپ ہمارے دلوں میں رہنے والی امید ہیں۔
انہوں نے وزیراعظم کے مخالفین پر تنقید کرتے ہوئے کہا کہ وہ آپ سے لڑتے ہوئے یہ نہیں جانتے ہیں کہ ہم سب آپ کے ہیں۔
@ImranKhanPTI u freed us from the fear of raising our voices against the corrupt , u gave us a voice that questions the corrupt .u have awakened us from the slavish sleep of the past dynasties. U r the hope we all carry in our hearts.they fight you not knowing that we are all U. pic.twitter.com/IEFnPdF535
— Shaan Shahid (@mshaanshahid) March 20, 2022
