دوحہ (ویب ڈیسک) مراکشی نژاد فنکارہ نورا فتیحی نے فیفا ورلڈ کپ کے دوران ہونے والے کنسرٹ میں بھارتی پرچم لہرایا جس کے بعد سے ہی سوشل میڈیا پرٹرولنگ شروع ہوگئی۔
نورا فتیحی وہ پہلی بھارتی شخصیت ہیں جس نے فیفا کے پلیٹ فارم پر پروفام کیا ، تاہم اداکارہ کو انکی بھارت سے محبت کا اظہار مہنگا پڑ گیا ۔
نورا فتیحی فیفا ورلڈ کپ کے آفیشل سانگ Light The Sky میں بھی فیچر ہوئیں ۔ بھارتی اداکارہ و ڈانسر نے قطر میں ہونے والے فٹ بال ورلڈ کپ کی تقریب کے دوران ایک فین فیسٹول میں بھی پروفامنس کا مظاہرہ کیا ۔
بھارتی اداکارہ نے دوران پروفارمنس بھارت سے محبت کے اظہار کے لئے بھارتی پرچم کوتھاما تاہم اداکارہ نے بھارتی پرچم کو غلط انداز میں لہرایا ۔ جس کے بعد سے ہی نورا کے حق اور مخالفت میں سوشل میڈیا پر تبصرے شروع ہوگئے ۔
فیفا ورلڈ کپ کی تقریب کے دوران بھارتی پرچم لہرانے پر بھارتیوں کو اداکارہ کی یہ ادا نہ بھائی ، اداکارہ کو کہا جارہا ہے کہ انہوں نے بھارتی پرچم کی توہین کی ۔
ایک صارف نے لکھا وہ بھارت کی نمائندگی کر رہی ہے حالانکہ وہ بھارتی شہری نہیں ۔
سوشل میڈیا پر ایک اور صارف نے نورا کو تنقید کا نشانہ بناتے ہوئے لکھا کہ کہ بھائی وہ انڈیا سے تعلق نہیں رکھتی وہ یہاں سے صرف کما رہی ہے اسے کیسے اس جھنڈے کی قدر ہوگی۔
