کراچی: (دنیا نیوز) جمشید کوارٹر شوٹنگ کے دوران علاقہ مکینوں نے سیٹ پر دھاوا بول دیا، شوٹنگ سٹاف کو تشدد کا نشانہ بنایا۔
فلم ڈائریکٹر نبیل قریشی نے بتایا کہ پی آئی بی کالونی میں مجھ پر اور میری ٹیم پر شوٹنگ کے دوران حملہ ہوا،حملہ کرنے والوں کی تعداد لگ بھگ سو کے قریب تھی۔
1/1 We has been attacked by mov in PIB Colony/jamshed quater martin road during shoot they got into the house we were shooting a hundred of people they harrases women/actresses, beat the shit out of crew, stole mobiles, equipment @HiraMani_real @ManiSalmanKhi #gulerana
— Nabeel Qureshi (@nabeelqureshi) February 6, 2023
انہوں نے بتایا کہ ہمیں ایک گھر میں محصور کر کے ہراساں کیا گیا،15 پر کالز کی مگر داد رسی نہیں ہوئی ،پولیس کے اعلی حکام سے رابطہ کیا تب جاکر پولیس پہنچی۔
نبیل قریشی نےمزید کہا کہ بنوریہ ٹاؤن پولیس سٹیشن میں ایف آئی آر درج کروا دی ہے، حملہ کرنے والوں کےمحرکات کے بارے میں کچھ معلوم نہیں ہے۔
We want #sindhpolice & #sindhrangers to take strict action against these ppl, to make example out of it @ManiSalmanKhi @HiraMani_real i request to my fraternity all the actors producers to make sure that this shouldn t happened again to any of us!
— Nabeel Qureshi (@nabeelqureshi) February 6, 2023
ایس ایس پی ایسٹ کراچی زبیر نذیر شیخ نے بتایا کہ علاقہ مکین چاہتے تھے کہ ہمارے علاقے میں شوٹنگ نہ کی جائے ،اداکار اور دیگر سٹاف سے بدتمیزی کی گئی۔
ایس ایس پی ایسٹ کراچی نے مزید کہا کہ صورتحال کنٹرول میں ہے، پولیس نے ابتدائی طور پر 2افراد کو حراست میں لیا ہے، گھر شوٹنگ کے لیے کرائے پر لیا تھا۔
اداکارہ حرامانی بھی شوٹنگ میں شریک تھیں جو جھگڑے سے کچھ دیر قبل ہی وہاں سے نکل آئی تھیں،اداکارہ کے شوہر نے بتایا کہ حرا بالکل محفوظ ہیں۔
