لندن: (ویب ڈیسک) پاکستان تحریک انصاف کے چیئرمین عمران خان کی سابقہ اہلیہ اور برطانوی فلمساز جمائمہ کی پہلی فلم کی پاکستان میں ریلیز کی تاریخ سامنے آگئی ہے۔
جمائمہ کی فلم ’واٹس لو گاٹ ٹو ڈو ود اِٹ‘ میں شہزاد لطیف، ایما تھامسن، للی جیمس، سجل علی اور شبانہ اعظمی نے مرکزی کردار ادا کیے ہیں۔
پوری دنیا میں مثبت ریویو حاصل کرنے والی فلم کی کہانی جنوبی ایشیائی ثقافت میں ارینج میرج کے موضوع کے گرد گھومتی ہے۔
اب برطانوی فلم ساز جمائمہ نے اعلان کیا ہے کہ ان کی فلم پاکستان میں 3 مارچ کو ریلیز کے لئے تیار ہے۔
اس بات کا اعلان انہوں نے معروف پاکستان گلوکار شہزاد رائے کے ایک سوال پر ٹویٹر میں کیا جب گلوکار نے ان سے پوچھا کہ فلم پاکستان میں کب ریلیز ہوگی۔
March 3rd in Pakistan! Thanks so much
— Jemima Goldsmith (@Jemima_Khan) February 24, 2023
جمائمہ نے گلوکار شہزاد رائے کا شکریہ ادا کرتے ہوئے جواب دیا کہ تین مارچ کو فلم پاکستان میں ریلیز ہوگی۔
