ممبئی: (ویب ڈیسک) بھارت کی نامور اداکارہ و سیاستدان کرن کھیر کورونا وائرس میں مبتلا ہوگئیں۔
کرن کھیر کی جانب سے ٹوئٹر پر مداحوں کو اطلاع دی گئی کہ ان میں کورونا وائرس کی تصدیق ہوئی ہے لہٰذا جو بھی ان سے رابطے میں رہا، وہ اپنا ٹیسٹ لازمی کروالے۔
I have tested positive for Covid. So anyone who has come in contact with me please get yourself tested.
— Kirron Kher (@KirronKherBJP) March 20, 2023
واضح رہے کہ اس سے قبل 2021 میں اداکارہ میں خون کے سرطان کی تشخیص ہوئی تھی جس کے بعد کئی عرصے تک ان کا علاج جاری رہا، بعدازاں انہوں نے بھارتی رئیلیٹی شو انڈیاز گاٹ ٹیلنٹ میں جج کے فرائض سرانجام دئیے۔
یاد رہے کہ کرن کھیر نے متعدد بلاک بسٹر فلموں میں کام کیا جن میں دیوداس، رنگ دے بسنتی، ہم تم، دوستانہ اور میں ہوں نا شامل ہیں۔
کرن کھیر اداکار انوپم کھیر کی اہلیہ ہیں، دونوں کی شادی 1985 میں ہوئی تھی، اس سے قبل کرن کھیر کی شادی گوتم بیری سے ہوئی تھی جن سے ان کا ایک بیٹا سکندر خان ہے۔
