لندن: (ویب ڈیسک) ہالی ووڈ کی مشہور جادوئی فلم سیریز ’ہیری پوٹر‘ کے معروف اداکار پال گرانٹ 56 برس کی عمر میں انتقال کر گئے۔
غیر ملکی میڈیا کے مطابق اداکار پال گرانٹ شمالی لندن میں کنگز کراس اسٹیشن کے باہر گرے ہوئے پائے گئے تھے، ان کی موت کا سبب تاحال ظاہر نہیں کیا گیا تاہم انہیں پہلے ہی دماغی طور پر مردہ قرار دے دیا گیا تھا بعد ازاں ان کی طبی موت کا اعلان بھی کردیا گیا۔
اداکار نے مشہور جادوئی فلم سیریز ’ہیری پوٹر‘ اور ’دی فلاسافرز اسٹون‘ میں ’گوبلن‘ کا کردار ادا کیا تھا جبکہ ان کی مشہور فلموں میں ’اسٹار وارز‘ اور ’ریٹرن آف جیڈی‘ سمیت 80 کی دہائی کی ’وِلو‘ اور ’لیبرینتھ‘ جیسی فلمیں شامل ہیں۔
