لاہور: (دنیا نیوز) فلم سنسر بورڈ پنجاب کے فل بورڈ نے ریویو کے بعد ہالی وڈ فلم باربی کو سینما گھروں میں نمائش کے لئے کلئیر کر دیا۔
نگران وزیر اطلاعات و ثقافت پنجاب عامر میر نے بتایا کہ فلم کو وزیراعلیٰ پنجاب محسن نقوی کی ہدایات پر فل بورڈ کے ریویو کا کہا گیا تھا، باربی فلم کو قابل اعتراض مواد کی وجہ سے روک کر سنسر بورڈ کے فل بورڈ کے پاس ریویو کے لیے بھیجا گیا تھا۔
نگران وزیر کا کہنا ہے کہ فلم کا ریویو سیشن چیئرمین سنسر بورڈ توقیر ناصر سمیت تمام ممبران نے دیکھا، فل بورڈ نے فلم کے قابل اعتراض حصے سنسر کرنے کے بعد اسے نمائش کے لیے کلیئر کر دیا، اب باربی پنجاب کے سینما گھروں میں جلد ریلیز کر دی جائے گی۔
