لاہور: (ویب ڈیسک) شوبز انڈسٹری کی اداکارہ حریم سہیل کی مایوں کی تصاویر اور ویڈیو سوشل میڈیا پر وائرل ہوگئیں جس پر مداحوں نے اپنی نیک خواہشات کا اظہار کیا۔
اداکارہ حریم سہیل نے فوٹو اور ویڈیو شیئرنگ ایپ انسٹاگرام پر اپنی مایوں کی مختلف تصاویر اور ویڈیو شیئر کی ہیں جو سوشل میڈیا کے مختلف پلیٹ فارمز پر بھی وائرل ہوگئیں، اداکارہ کی مایوں کی تقریب کا اہتمام گزشتہ روز کیا گیا جس میں قریبی عزیز و اقارب نے شرکت کی۔
.jpg)
سوشل میڈیا پر شیئر کی گئی تصاویر اور ویڈیوز میں دیکھا جاسکتا ہے کہ سجاوٹ زرد رنگ سے کی گئی ہے اور حریم نے بھی اسی مناسبت سے لباس زیب تن کیا ہے، مایوں کی تصاویر وائرل ہونے کے بعد حریم سہیل کو ساتھی فنکاروں کی جانب سے مبارکباد دینے کا سلسلہ جاری ہے۔
واضح رہے کہ حریم سہیل مختلف ڈراموں میں اداکاری کے جوہر دکھا چکی ہیں اور وہ سینئر اداکارہ بینا چودھری کی صاحبزادی ہیں۔
