لاہور : (دنیا نیوز) پاکستان شوبز انڈسٹری کی سابق اداکارہ نور بخاری کے ہاں بیٹی کی پیدائش ہوئی ہے۔
انسٹاگرام اکاؤنٹ پر پوسٹ شیئر کرتے ہوئے نور بخاری نے بتایا کہ ان کے یہاں بیٹی کی پیدائش ہوئی ہے جس کا نام انہوں نے دعا زہرہ رکھا ہے۔
نور بخاری نے انسٹاگرام پر اپنے اور نومولود ننھی پری کے ہاتھ کی تصویر شیئر کرتے ہوئے قرآن کی آیت کا ترجمہ لکھا کہ ’’اور تم اپنے رب کی کون کون سی نعمتوں کو جھٹلاؤ گے۔‘‘
انہوں نے مزید لکھا کہ خدا نے ہمیں خوبصورت بیٹی دعا زہرا سے نوازا ہے، خدا اسے نظر بد سے محفوظ رکھے، میری بیٹی دعا کو اپنی دعاؤں میں شامل رکھیں۔
نور بخاری کی اس پوسٹ پر انہیں انسٹا صارفین، مداحوں و شوبز شخصیات کی جانب سے مبارکباد دینے کا سلسلہ جاری ہے۔
یاد رہے کہ اداکارہ نور بخاری نے 2017 میں شوبز انڈسٹری کو خیرباد کہہ دیا تھا، اس سے پہلے ان کی 4 شادیاں ناکام ہوچکی ہیں، عون چودھری کے ساتھ ان کی پانچویں شادی ہے۔
