لاہور: (ویب ڈیسک) معروف اداکار فیروز خان کی سابقہ اہلیہ علیزہ سلطان نے مشورہ دیا ہے کہ شادی جیسے بڑے فیصلے سے قبل 100 سال تک سوچیں۔
انسٹاگرام سٹوری میں علیزہ سلطان نے خواتین کو خبردار کیا کہ وہ زندگی کے اہم فیصلے میں جلد بازی نہ کریں بلکہ وقت لے کر سوچ سمجھ کر فیصلہ کریں تاکہ بعد میں پچھتاوا نہ ہو۔
علیزہ سلطان نے انسٹا سٹوری میں مزید لکھا ہے کہ صحیح شریک حیات کا انتخاب بہت ضروری ہے، اپنی زندگی کا یہ بڑا فیصلہ کرنے سے پہلے مکمل غور و فکر کریں کیونکہ ایک غلط فیصلہ پوری زندگی پر اثر انداز ہوسکتا ہے۔
واضح رہے کہ فیروز اور علیزہ کی شادی 2018 میں ہوئی تھی لیکن 2022 میں طلاق ہو گئی، دونوں کے دو بچے ایک بیٹا، ایک بیٹی ہیں جن کی پرورش دونوں کر رہے ہیں، اداکار فیروز خان نے طلاق کے 2 سال بعد 2024 میں دوسری شادی کر لی تھی۔
علیزہ سلطان نے فیروز خان پر گھریلو تشدد کے الزامات بھی عائد کیے تھے جبکہ دونوں کے درمیان بچوں کی حوالگی اور کفالت کا کیس بھی طویل عرصے تک زیر سماعت رہا ہے۔
