ریڈیو پاکستان کے مطابق ترجمان دفتر خارجہ کا کہنا تھا کہ یہ تمام خبریں "فیک نیوز" کے سوا کچھ نہیں ہے، یہ جعلی خبریں مقبوضہ جموں کشمیر میں جاری تحریک آزادی کے خلاف بھارتی پراپیگنڈہ کا حصہ ہیں۔

انہوں نے کہا کہ بھارت کے یہ ڈرامے جلد ناکام ہوں گے، اس طرح کے جھوٹ پھیلا کر بھارت کشمیریوں حق خود ارادیت کی جائز جدوجہد کے خلاف دنیا کو بھڑکا نہیں سکتا۔

زاہد حفیظ چودھری کا کہنا تھا کہ جھوٹی خبریں پھیلانےکی بجائےبھارت عالمی قوانین اوراخلاقی ذمہ داریاں پوری کرے، بےبنیاد الزامات بی جے پی کے پاکستان مخالف پروپیگنڈے کو واضح کرتے ہیں۔