لاہور: (ویب ڈیسک) گزشتہ کئی مہینوں سے پیپلزپارٹی کے سینیئر رہنما چودھری اعتزاز احسن کے کئی ایسے ٹویٹ سامنے آ رہے ہیں جنہیں پڑھ کر جاننے والے حیران رہ جاتے ہیں، ٹویٹر پر ان کے نام سے متعد منسوب جعلی اکاؤنٹ استعمال ہو رہے ہیں۔
برطانوی خبر رساں ادارے کے مطابق ویسے تو اعتزاز احسن کے نام سے متعدد اکاؤنٹ ہیں اور بعض اکاؤنٹ جو کہ ٹوئٹر پر موجود بھی نہیں لیکن پھر بھی انھیں ٹوئٹر اکاؤنٹ بنا کر تصویروں کی شکل میں مختلف واٹس ایپ گروپس پر شیئر کیا جاتا ہے۔ اسی طرح کا ایک اکاؤنٹ @therealaitezaz بھی ہے جس میں حال ہی میں اعتزاز احسن سے منسوب بیان میں لکھا گیا کہ امر بالمعروف جلسے نے ثابت کر دیا ہے کہ خودمختار اور بیرونی مداخلت سے پاک پاکستان پاکستانیوں کی واحد منزل اور وزیرِ اعظم عمران خان ان کے محبوب لیڈر اور قائد ہیں۔ #کپتان_کا_خوددار_پاکستان‘
This is the only real Twitter account of my father Aitzaz Ahsan, but he never uses it. All other accounts tweeting with his name are fake and spreading misinformation. https://t.co/t6nWPZoHJQ
— Saman Ahsan (@SamanAhsan) April 4, 2022
اسی طرح کی بہت سی باتیں اس اکاؤنٹ سے کی جا رہی ہیں لیکن پیر کی صبح اعتزاز احسن کی بیٹی سمن احسن کا ایک ٹویٹ سامنے آیا جس میں انھوں نے واضح کیا کہ ان کے والد کے نام سے کئی جعلی اکاؤنٹ بنائے گئے ہیں جن کے ذریعے ٹویٹ کیے گئے پیغامات کو انکے والد سے منسوب کیا جا رہے ہیں۔ میرے والد اگرچہ ٹوئٹر اکاؤنٹ زیادہ استعمال نہیں کرتے لیکن اصل میں ان کا یہ @therealaitzaz اکاؤنٹ ہے۔ ساتھ ہی انہوں نے اپنے والد کا ایک پرانا ٹویٹ بھی منسلک کیا جس میں وہ اس بات کی وضاحت دے رہے تھے۔
اب اگر سرسری طور پر دیکھا جائے تو @therealaitezaz اور @therealaitzaz ایک ہی اکاؤنٹ لگتا ہے لیکن غور سے دیکھنے پر اس میں فرق پتہ چلتا ہے۔ یہ فرق ہے انگریزی کے لفظ e (ای) کا جو کہ اصل اکاؤنٹ میں تو موجود نہیں جو کہ سمن احسن نے شیئر کیا ہے لیکن دوسرے اکاؤنٹ میں موجود ہے اور اس طرح پتہ چلتا ہے کہ یہ جعلی ہے۔
خیال رہے کہ اعتزاز احسن نے اپنے اصل اکاؤنٹ سے ٹویٹ 30 جنوری، 2021 کو کی تھی اور اس میں انہوں نے سینیٹر شیری رحمان، پیپلز پارٹی کے سینیئر رہنما قمرالزمان کائرہ اور مرحوم سینیٹر رحمان ملک کو (جو اس وقت حیات تھے اور ان کی وفات اس سال 23 فروری کو ہوئی) ٹیگ کر کے لکھا ہے کہ ’میں ٹویٹ کرنے پر یقین نہیں رکھتا کیونکہ مجھے لگتا ہے کہ یہ آدھے سچ کا میڈیم ہے۔ البتہ مختلف ایڈریسز سے بہت سے جعلی ٹویٹ جاری کیے گئے ہیں جن کا مقصد میری آرا کی غلط ترجمانی کرنا اور مجھے بدنام کرنا ہے۔
I have not believed in tweeting because I took it as a ready medium for half-truths. A number of fake tweets are however being issued from different addresses with the malicious intent to grossly misrepresent my views and to malign me. @sherryrehman @SenRehmanMalik @QamarKairaPPP
— Aitzaz Ahsan (@therealaitzaz) January 30, 2021
