تازہ ترین
  • بریکنگ :- ملک بھرمیں کورونامریضوں کی تعداد 12 لاکھ 64 ہزار 384 ہوگئی
  • بریکنگ :- ملک میں کوروناکےایکٹوکیسزکی تعداد 26 ہزار 237 ہے،این سی اوسی
  • بریکنگ :- ملک بھرمیں 24 گھنٹےکےدوران کوروناسےمزید 17 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 269 ہوگئی
  • بریکنگ :- 24 گھنٹےمیں کوروناکے 1440 مریض صحت یاب،این سی اوسی
  • بریکنگ :- کوروناسےصحت یاب افرادکی مجموعی تعداد 12 لاکھ 9 ہزار 878 ہوگئی
  • بریکنگ :- 24 گھنٹےکےدوران 44 ہزار 831 کوروناٹیسٹ کیےگئے،این سی اوسی
  • بریکنگ :- ملک بھرمیں 2 کروڑایک لاکھ 96 ہزار 19 کوروناٹیسٹ کیےجاچکے
  • بریکنگ :- کوروناسےمتاثر 1958 مریضوں کی حالت تشویشناک،این سی اوسی
  • بریکنگ :- پنجاب 4 لاکھ 37 ہزار 793،سندھ میں 4 لاکھ 65 ہزار 486 کیسز،این سی اوسی
  • بریکنگ :- خیبرپختونخواایک لاکھ 76 ہزار 774،بلوچستان میں 33 ہزار 120 کیس رپورٹ
  • بریکنگ :- 24 گھنٹےمیں کوروناکےمزید 720 کیس رپورٹ،این سی اوسی
  • بریکنگ :- اسلام آبادایک لاکھ 6 ہزار 445،گلگت بلتستان میں 10 ہزار 369 کیسز
  • بریکنگ :- آزادکشمیرمیں کورونامریضوں کی تعداد 34 ہزار 397 ہوگئی،این سی اوسی
  • بریکنگ :- ملک میں کورونامثبت کیسزکی شرح 1.60 فیصدرہی،این سی اوسی

مکئی کھائیں صحت بنائیں

Published On 30 August,2021 08:28 pm

لاہور: (خصوصی ایڈیشن) مکئی، سِٹا، بُھٹا یا چھلی ایک ایسی چیز ہے جو شاید ہی کسی کو ناپسند ہو۔ اسے دنیا بھر میں مختلف طریقوں سے کھایا جاتا ہے، بعض لوگ اُبال کر اور بعض بھون کر کھانا پسند کرتے ہیں۔ مکئی تقریباً ہر ثقافت میں ایک اہم خوراک ہے۔ اسے پاؤڈر یا آٹے (کارن فلور) کے طور پر بھی استعمال کیا جاتا ہے۔

یہاں یہ جاننا ضروری ہے کہ آیا یہ آپ کی صحت کیلئے بھی اچھی ہے یا نہیں۔ آئیے آپ کو اس کے فوائد سے آگاہ کرتے ہیں۔

انرجی بُوسٹر

مکئی ایک زبردست اناج ہے جو پیچیدہ کاربوہائیڈریٹ پر مشتمل ہے اسے کھانا صرف توانائی کا ذریعہ نہیں بلکہ دماغ اور اعصابی نظام کیلئے بھی بہت مفید ہے۔

سرخ خلیات میں اضافہ

چونکہ مکئی وٹامن بی 12 اور آئرن سے بھرپور ہوتی ہے، یہ خون کے سرخ خلیوں کی پیداوار کو بڑھاتی ہے۔ خون کے سرخ خلیوں میں اضافہ اس لیے بھی پسند کیا جاتا ہے کیونکہ یہ جسم میں زیادہ غذائی اجزا کی گردش میں مدد دیتے ہیں اور جسم کو خون کی کمی سے بچنے میں بھی مدد فراہم کرتے ہیں جس سے ناصرف آپ کا جسم صحت مند اور چاق وچوبند رہتا ہے بلکہ چہرے پر تازگی اور شادابی بھی چھلکتی ہے۔

بلڈ شوگر اور کولیسٹرول کی سطح کو کم رکھنا

مکئی میں موجود مزاحم نشاستے کا استعمال گلوکوز اور انسولین کے ردعمل کو کم کرنے میں مدد دیتا ہے یہ کولیسٹرول کی سطح کو کم کرنے اور ہاضمے کو بہتر بنانے میں بھی مدد دیتا ہے۔

آنکھوں کیلئے مفید

مکئی میں لوٹین اور زیکسنتھین بھی ہوتا ہے، جو ریٹنا یعنی آنکھ کی پُتلی میں موجود مالیکولر روغن ہیں اور بصارت کو مضبوط بنانے میں اہم کردار ادا کرتے ہیں۔ لہٰذا مکئی کا استعمال آپ کی بینائی کیلئے بہت اچھا ثابت ہو سکتا ہے۔

وزن کنٹرول کرنے میں فائدہ مند

مکئی میں مزاحم نشاستہ بھی ہوتا ہے۔ یہ خاص طور پر وزن کم کرنے کی کوشش کرنے والے افراد کیلئے بہت اچھا ہے کیونکہ یہ توانائی کی کثافت کو کم کرنے اور بھوک کم کرنے میں مدد کرتا ہے۔

گلوٹین فری

اس کی قدرتی شکل میں مکئی گلوٹین فری ہے لہٰذا ہم یہ کہہ سکتے ہیں کہ جو لوگ گلوٹین کو پسند نہیں کرتے، چاہے طبی وجوہات کی بنا ء پر یا کسی دوسری صورت میں، وہ بھی بغیر کسی پریشانی کے مکئی کو براہ راست کسی بھی صورت میں کھا سکتے ہیں یا مکئی کا آٹا (کارن فلور) استعمال کر سکتے ہیں۔

تحریر: نرمین مبشر