لاہور: (ویب ڈیسک) ماہرین نے شیر خوار بچوں میں وٹامن ڈی کی اہمیت بیان کردی۔
تفصیلات کےمطابق ماہرین کااپنی تحقیق میں کہناتھا کہ انسانی جسم اگرچہ وٹامن ڈی پیدا کر سکتا ہےلیکن شیرخوار بچوں کو اکثر سورج کی روشنی ناکافی ملتی ہے اور ان کی جلد زیادہ حساس ہوتی ہے، لہٰذا ڈاکٹرز عام طور پر مندرجہ ذیل وجوہات کی بنا پر شیرخوار بچوں کے لیے وٹامن ڈی کے سپلیمنٹ تجویز کرتے ہیں۔
شیرخوار بچے خاص طور پر اپنے پہلے چند مہینوں میں عام طور پر طویل عرصے تک براہ راست سورج کی روشنی کے سامنے نہیں آتے جس کی وجہ سے جلد میں وٹامن ڈی کی پیداوار نہیں ہو پاتی، اس لیے سپلیمنٹ اس سورج کی نمائش کی کمی کو پورا کرنے میں مدد کرتے ہیں۔
ماہرین کا مزید کہنا تھا کہ اگرچہ ماں کا دودھ شیرخوار بچوں کے لیے غذائیت کا بہترین ذریعہ ہے لیکن یہ وٹامن ڈی کی مناسب مقدار فراہم نہیں کر سکتا،اسی طرح بچوں کے لیے عام دستیاب فارمولے میں بھی وٹامن ڈی کی مقدار ہوتی ہے ،تاہم اس کے باجود شیرخوار بچوں کو اضافی سپلیمنٹ کی ضرورت پڑ سکتی ہے۔
