لاہور: (دنیانیوز) صوبہ پنجاب میں گزشتہ چوبیس گھنٹوں کے دوران ڈینگی کے 152 کیسز رپورٹ ہوئے ہیں ۔
ترجمان محکمہ صحت کے مطابق گزشتہ چوبیس گھنٹوں میں راولپنڈی سے 133، لاہور سے 4 اور چکوال سے 2 ڈینگی کے مریض رپورٹ ہوئے۔
ترجمان نے بتایا کہ گوجرانولہ اور اٹک سے ڈینگی کے تین ،تین نئے مریض سامنے آئے جبکہ میانوالی، خوشاب، سرگودھا، مظفرگڑھ، ڈی جی خان اور لیہ سے ایک ایک کیس رپورٹ ہوا۔
ترجمان محکمہ صحت کے مطابق صوبے میں ڈینگی کے ایک ہفتہ میں 746 کیسز جبکہ رواں سال اب تک 2117 ڈینگی کے کیسز رپورٹ ہوئے ہیں ۔
