راولپنڈی: (ویب ڈیسک) راولپنڈی میں ڈینگی کی شدت بڑھنے لگی، 58 کیسز کی تصدیق ہوئی ہے۔
محکمہ صحت کے مطابق راولپنڈی میں ڈینگی کے باعث 11 مریض ہسپتالوں میں داخل ہیں جبکہ ہسپتالوں میں زیرِ علاج تصدیق شدہ مریضوں کی تعداد 7 ہے، ڈینگی سے رواں سال راولپنڈی میں کسی مریض کی موت رپورٹ نہیں ہوئی ہے۔
ضلع راولپنڈی میں ڈینگی کے 30 کیسز اور مری میں 28 کیسز رپورٹ ہوئے ہیں۔
مزید برآں ڈینگی مہم سے یکم جنوری سے اب تک 43 لاکھ سے زائد گھروں کی چیکنگ ہو چکی ہے اور 58 ہزار 364 گھروں میں لاروا کی موجودگی کی تصدیق ہوئی ہے۔
علاوہ ازیں 11 لاکھ 48 ہزار 213 مقامات کی چیکنگ ہوئی ہے جس میں 11 ہزار سے زائد سائٹ پر ڈینگی پازٹیو آیا ہے اور 69 ہزار 812 مقامات سے ڈینگی لاروا تلف کیا گیا، ڈینگی ایس او پیز کی خلاف ورزی پر 2288 ایف آئی آر درج کئے، 1257 مقامات سیل کئے اور 3555 چالان کئے، جبکہ خلاف ورزی پر 42 لاکھ سے زائد جرمانہ بھی وصول کیا گیا۔
اس کے علاوہ مری کے علاقے پھاگھوری، پوتھا شریف اور گھہال میں نئے کیسز رپورٹ ہے، راولپنڈی سٹی کے عید گاہ، سیٹلائٹ ٹاؤن، بنی اور گنگ منڈی میں بھی ڈینگی کے مریض سامنے آئے ہیں جبکہ کہوٹہ، گجر خان، ٹیکسلا اور کلر سیداں میں بھی ڈینگی کیسز رپورٹ ہوئے۔
.jpg)
.jpg)
.jpg)
