لاہور: (دنیا نیوز) لاہور سمیت پنجاب بھر میں گزشتہ چوبیس گھنٹوں میں ڈینگی کے 42 مریضوں کی تصدیق ہو گئی۔
لاہور سمیت پنجاب بھر میں ڈینگی مچھروں کی افزائش میں اضافہ ہوا ہے جس کے باعث صوبہ بھر میں ڈینگی کے مریضوں کی تعداد بڑھتی جا رہی ہے۔
چوبیس گھنٹوں میں لاہور میں ڈینگی کے 9مریض رپورٹ ہوئے جس سے تعداد 207 ہو گئی، پنجاب میں ڈینگی کے مصدقہ مریضوں کی تعداد 1259 گئی ہے ۔
شہر میں ڈینگی کے مشتبہ مریضوں کی تعداد میں تیزی سے اضافہ جاری ہے ، رواں سال شہر میں ڈینگی کے مریضوں میں خطرناک حد تک اضافہ ہونے کا خدشہ ہے۔
