کراچی: (دنیا نیوز) پاکستان رینجرز کی جانب سے کراچی میں شدید گرمی کے باعث مختلف علاقوں میں ہیٹ اسٹروک کیمپس قائم کئے گئے ہیں جہاں پر ہیٹ اسٹروک سے بچاؤ کے لئے ضروری سہولیات موجود ہیں۔
پاکستان رینجرز سندھ کے ترجمان کے مطابق سندھ رینجرز نے شدید گرمی کی لہر کے پیش نظر کراچی کے مختلف علاقوں میں ہیٹ اسٹروک کیمپس کا اہتمام کیا گیا ہے جہاں پر شہریوں کے لئے ہیٹ اسٹرک سے بچاؤ کے لئے مختلف سہولیات موجود ہیں اور شہریوں کو گرمی سے بچاؤ کے لئے مفت طبی سہولیات بھی دی گئی ہیں۔
ترجمان کے مطابق ملیر کالا بورڈ ، ڈاکخانہ چورنگی، شاہ نواز چوک، کے ڈی اے فلیٹس سرجانی ٹاؤن، دربار چوک ماڑی پور، طاہر ولا چورنگی گلبرک، ڈسٹرکٹ سینٹر آفس نارتھ ناظم آباد، سہراب گوٹھ، حیدری مارکیٹ قلندریہ چوک، پاک بازار گلشن بہار ٹاؤن، کٹی پہاڑی، قصبہ کالونی، گلشن منصور اور مواچھ گوٹھ حب ریورشامل ہیں اور اہلیان کراچی نے پاکستان رینجرز سندھ کی جانب سے فراہم کردہ ان سہولیات سے استفادہ حاصل کیا۔
