لوئردیر: (دنیا نیوز) میدان کے علاقے میں ریموٹ بم دھماکے سے ایس ایچ او سمیت 3 اہلکار شہید ہو گئے جبکہ 2 شدید زخمی ہو گئے جنہیں ہسپتال منتقل کر دیا گیا.
لوئر دیر میں پولیس موبائل کو ریموٹ کنٹرول بم کے ذریعے نشانہ بنایا جس میں سوار ایس ایچ او اور 2 اہلکار موقع پر شہید ہو گئے جبکہ 2 شدید زخمی ہو گئے۔ زخمی ہونے والے اہلکاروں کو ریسکیو اہلکاروں نے فوری طور پر ہسپتال منتقل کر دیا جہاں انھیں انتہائی نگہداشت وارڈ میں رکھا گیا ہے۔ دھماکے کے فوری بعد سکیورٹی فورسز نے جائے وقوعہ کو گھیرے میں لے کر دہشتگردوں کے خلاف سرچ آپریشن شروع کر دیا۔
