اسلام آباد: (دنیا نیوز) صدر مملکت عارف علوی نے عوام سے اپیل کی ہے کہ روپے کو دباو سے نکالنے کیلئے شہری ملکی مصنوعات خریدیں، روز مرہ استعمال شدہ چیزوں میں درآمد کردہ مصنوعات کی ایک طویل فہرست ہے۔
صدر مملکت نے سوشل میڈیا پراپنے پیغام میں کہا ہے کہ پاکستانیوں سے میڈ ان پاکستان کی اشیاء خریدنے کا مطالبہ کرتا ہوں، بحران کے اس وقت میں ہمیں در آمد شدہ چیزوں کی خریداری سے بچنے کی کوشش کرنی چاہیے، انھوں نے کہا غور کریں تو روز مرہ استعمال شدہ چیزوں میں درآمد کردہ مصنوعات کی ایک طویل فہرست ہے۔
Considering pressure on Pak rupee,I urge Pakistanis to buy Made in Pakistan . In this time of crisis we must try to avoid luxury goods & avoidable imported purchases. If you put your mind to it there is a long list of daily use imported products. This is what we must do together
— Dr. Arif Alvi (@ArifAlvi) December 2, 2018
واضح رہے کہ چند روز قبل ڈالر کی قیمت 8 روپے بڑھ گئی تھی جو تاریخ کا بلند ترین اضافہ تھا، ڈالر کی قیمت 142 روپے تک جا پہنچی تاہم سٹیٹ بینک کے اقدامات کے باعث کمی کے بعد قیمت 138 روپے ہو گئی تھی۔
