راولپنڈی: (دنیا نیوز) پاک فوج کے سربراہ آرمی چیف جنرل قمر جاوید باجوہ نے واضح کر دیا ہے کہ پاکستان امن سے محبت کرنے والا ملک ہے، تاہم اگر جارحیت ہوئی تو اسی شدت سے اس کا جواب دیا جائے گا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کنٹرول لائن پر چری کوٹ اور باگسر سیکٹروں کا دورہ کیا اور پاک فوج کی تیاریوں کا جائزہ لیا۔
یہ بھی پڑھیں: جنگی جارحیت پر بھارت کو سرپرائز دیں گے، ترجمان پاک فوج
آئی ایس پی آر کے مطابق اس موقع پر کور کمانڈر راولپنڈی لیفٹیننٹ جنرل بلال اکبر بھی آرمی چیف کے ہمراہ تھے۔ جبکہ کمانڈر آرمی ائر ڈیفسن کمانڈ لیفٹیننٹ جنرل حمود زمان خان اس موقع پر موجود تھے۔
آرمی چیف کو فارمیشن کمانڈرز کی جانب سے کنٹرول لائن کی صورتحال پر بریفنگ دی گئی۔ آرمی چیف نے افسروں اور جوانوں کے بلند جذبے کو سراہا۔
اس موقع پر اپنے خطاب میں آرمی چیف جنرل قمر جاوید باجوہ کا کہنا تھا کہ پاکستان امن سے محبت کرنے والا ملک ہے لیکن کسی کے دباؤ میں آٰنے والا نہیں، کسی بھی جارحیت کا اسی شدت سے جواب دیا جائے گا۔
COAS visited Line of Control. Reviewed state of preparedness. Lauded high moral of troops.
— Maj Gen Asif Ghafoor (@OfficialDGISPR) February 22, 2019
“Pakistan is a peace loving country but we will not be intimidated or coerced. Any aggression or misadventure shall be paid back in same coin”, COAS. pic.twitter.com/RUpdCzxWeI
