لاہور: (دنیا نیوز) ایسٹر تقریبات کا سلسلہ لاہور میں بھی جاری ہے۔ گرجا گھروں میں دعائیہ تقریبات میں مسیحی برادری نے شرکت کی اور ملک و قوم کے لئے دعائیں مانگیں۔
ایسٹر کی تقریبات دنیا بھر کی طرح لاہور میں بھی منائی گئیں، گرجا گھروں میں خصوصی دعائیہ تقریبات کا انعقاد کیا گیا جن میں مسیحی برادری نے مذہبی تقریبات میں بھرپور شرکت کی۔
مسیحی برادری کا تہوار پر ایک ہی پیغام ہے کہ امن و آشتی میں ہی بقا ہے اور سب کو اس پیغام کا لفظوں سے ہٹ کر عملی طور پر اظہار کرنا چاہیے۔
ایسٹر پر مذہبی برادری کی تقریبات گرجا گھروں سے شروع ہوئیں اور اس کے بعد خوشی کے اظہار کے لئے تفریحی مقامات کا بھی رخ کیا۔ حکام کی جانب سے ایسٹر کے موقعہ پر سیکورٹی کے خصوصی انتظامات کئے گئے۔
