اسلام آباد: (دنیا نیوز) اقوام متحدہ کی جانب سے پاکستان کو فیملی سٹیشن قرار دینا پاکستان کی اہم کامیابی کہا جا رہا ہے۔
عالمی ادارے اور ممالک سیکیورٹی صورتحال جاننے کے لیے اقوام متحدہ سے رابطہ کرتے ہیں۔ اقوام متحدہ کے فیصلے سے ثابت ہوتا ہے کہ پاکستان میں امن وامان کی صورتحال بہتر ہے۔
Good news! Based on comprehensive security review, UN restores Islamabad’s status as family station for its international staff. I warmly welcome the decision.
— Shah Mahmood Qureshi (@SMQureshiPTI) June 20, 2019
پاکستان گزشتہ دوسال سے پابندی کے خاتمے کے لیے کوششیں کررہا تھا۔ اس فیصلے سے پاکستان میں سرمایہ کاروں کا اعتماد بڑھے گا اور مثبت نتائج نکلیں گے۔
اقوام متحدہ کے سیکرٹری جنرل کی جانب سے سیکیورٹی صورتحال کا جائزہ لیا گیا اور اس میں بہتری ہونے پر پاکستان کو فیملی سٹیشن قرار دے دیا۔
دنیا نیوز ذرائع کے مطابق اقوام متحدہ کے انٹرنیشنل سول سروس کمیشن نے پاکستان کی مستقل مندوب ملیحہ لودھی کو خط کے ذریعے فیصلے سے آگاہ کیا۔
