اسلام آباد: (دنیا نیوز) وزیراعظم عمران خان نے کراچی کے ارکان اسمبلی کو اپنے حلقوں میں رہنے کی ہدایت کر دی، انھوں نے کہا کہ کراچی کےشہریوں کوکئی دہائیوں سےنظراندازکیاگیا، وفاقی حکومت کراچی کے دہائیوں پرانے مسائل کے حل کیلیے جامع پیکج تشکیل دینے میں مصروف ہے۔
وزیراعظم نے کراچی کی صورتحال کا نوٹس لے لیا، سوشل میڈیا پیغام میں عمران خان نے کراچی کے شہریوں کیلئے اصلاحاتی پیکج جلد لانے کا اعلان کیا ہے۔ انھوں نے عید اور 14 اگست کے موقع پر کراچی کےتمام ارکان اسمبلی کوعوام کی ہر ممکن مدد اور تعاون کی ہدایت بھی کی ہے.
I have directed all MNAs/MPAs of Karachi to be in their constituencies throughout Eid & Independence Day holidays & provide all assistance to the ppl. The Federal Govt is drafting a comprehensive package to end the decades of neglect & suffering of the ppl of this gt metropolis.
— Imran Khan (@ImranKhanPTI) August 12, 2019
وزیراعظم عمران کا مزید کہنا تھا کہ کراچی کے شہریوں کو کئی دہائیوں سے نظر انداز کیا گیا، ان کی مشکلات کو مدنظر رکھتے ہوئے وفاقی حکومت ایک جامع اصلاحاتی پیکج تشکیل دینے میں مصروف عمل ہے جس سے مسائل ختم کرنے میں مدد ملے گی۔
