ریاض: (دنیا نیوز) سعودی عرب کے فرمانروا شاہ سلمان اور ولی عہد محمد بن سلمان نے رحیم یار خان میں ٹرین کے اندوہناک حادثے اور آتشزدگی کے نتیجے میں ہونے والی اموات پر صدر پاکستان سے افسوس کا اظہار کیا ہے۔
خادم الحرمین الشریفین سلمان بن عبدالعزیز آل سعود اور شہزادہ محمد بن سلمان نے صدر پاکستان ڈاکٹر عارف علوی سے خصوصی رابطہ کرکے ان کیساتھ ٹرین حادثے میں جاں بحق ہونے والے افراد کی تعزیت کی، گہرے رنج وغم اور دکھ کا اظہار کیا۔
یہ بھی پڑھیں: رحیم یار خان ٹرین حادثہ، برطانوی شاہی جوڑے کی جانب سے افسوس کا اظہار
صدر پاکستان کو بھیجے گئے اپنے پیغام میں شاہ سلمان نے لکھا کہ ہمیں اطلاع ملی ہے کہ پاکستانی ٹرین میں آتشزدگی کا اندوہناک واقعہ پیش آیا جس کے نتیجے میں اموات ہوئیں اور بچ جانے والے افراد زخمی ہوئے۔ ہم اللہ تعالیٰ سے دعا کرتے ہیں کہ وہ جاں بحق ہونے والوں پر اپنی رحمت نازل فرمائے جبکہ زخمیوں کو جلد از جلد صحت عطا فرمائے۔
اسی پیغام میں شہزادہ محمد بن سلمان کی جانب سے صدر ڈاکٹر عارف علوی سے تعزیت کا اظہار کرتے ہوئے کہا گیا ہے کہ وہ اس حادثے پر افسوس کا اظہار کرتے ہیں، وہ حادثے میں زخمی ہونے والے مسافروں کی جلد صحت یابی اور جاں بحق ہونے والوں کی مغفرت کیلئے دعاگو ہیں۔
ترکی کے صدر رجب طیب اردوان نے بھی ٹرین حادثہ پر افسوس کا اظہار کیا ہے۔ سماجی رابطے کی ویب سائٹ ٹویٹر پر ٹویٹ کرتے ہوئے انہوں نے افسوس کا اظہار کرتے ہوئے غمزدہ خاندانوں سے اظہار تعزیت اور زخمیوں کی جلد صحتیابی کی دعا کی ہے۔
I would like to extend my condolences to the 65 victims, who lost their lives in the train fire in Pakistan, and wish a speedy recovery to the wounded survivors.
— Recep Tayyip Erdoğan (@RTErdogan) October 31, 2019
On behalf of my country, I extend my deepest condolences to the people of Pakistan — our friends and brothers. pic.twitter.com/l1ziWgdnyG
ٹویٹر پر ٹویٹ کرتے ہوئے انہوں نے مزید کہا کہ میں اپنے ملک کی طرف سے اللہ انسانیت کو ایسے حادثات، آفتوں اور مصیبتوں سے محفوظ رکھے۔
