تازہ ترین
  • بریکنگ :- ڈاکو،چوراوربےایمان شہبازشریف پرکل فردجرم لگ سکتی ہے،شیخ رشید
  • بریکنگ :- قوم عمران خان کوانقلابی لیڈرکےطورپردیکھناچاہتی ہے،شیخ رشید
  • بریکنگ :- ملک میں 2 وزیراعظم، 2 وزیرخزانہ اور 2وزیرتوانائی ہیں،شیخ رشید
  • بریکنگ :- عمران خان آج جوبھی فیصلہ کرےگاشیخ رشیدحاضرہے،سربراہ عوامی مسلم لیگ
  • بریکنگ :- ایک ووٹ کافرق ہےعمران خان حکم کرےتودوبارہ وزیراعظم بنادوں،شیخ رشید
  • بریکنگ :- پی ٹی آئی ارکان کواستعفیٰ دینے پرسلام پیش کرتاہوں،شیخ رشید
  • بریکنگ :- عمران خان کوکہتا تھا ایمرجنسی لگاؤ،شیخ رشید
  • بریکنگ :- عمران خان کے لیے جان دیناپڑی تودوں گا،شیخ رشید

ہم پاکستان کی جمہوریت اور آئین کے تحفظ کیلئے نکلے ہیں: فضل الرحمان

Last Updated On 19 November,2019 06:23 pm

بنوں: (دنیا نیوز) مولانا فضل الرحمان نے کہا ہے کہ ہم پاکستان کی جمہوریت اور آئین کے تحفظ کیلئے نکلے ہیں، حکمرانوں کے پاس مخالفین کو گالیاں دینے کے علاوہ کچھ نہیں، ان حکمرانوں کا کوئی نظریہ نہیں۔

 سربراہ جمعیت علماء اسلام مولانا فضل الرحمان نے کارکنوں سے خطاب کرتے ہوئے کہا ووٹ چوری کر کے حکومت کرنے کی اجازت نہیں دے سکتے، حکومت کے پاس کوئی نظریہ یا منصوبہ نہیں، پاکستان میں باوقار سیاست چاہتے ہیں، آپ کے دن گنے جاچکے، ہم اسلام آباد ایسے ہی نہیں گئے اور ایسے ہی نہیں آئے، آپ کی جڑیں کٹ گئیں اور چولیں ہل گئیں، اب دن گنتے جاؤ۔

فضل الرحمان کا کہنا تھا قوم کو دوبارہ الیکشن کی طرف جانا ہوگا، حکومت نے 10 سالہ قرضوں کی تحقیقات کیلئے کمیشن بنایا، جس نے رپورٹ پیش کی کہ ایک پیسے کی خردبرد نہیں ہوئی، پاکستان میں اب آپ عوام کا راستہ نہیں روک سکتے، اپوزیشن جماعتوں نے ہمارا ساتھ دیا اور موقف کی حمایت کی، آج بھی رہبر کمیٹی کا اجلاس ہوگا اور آئندہ کے لائحہ عمل کا فیصلہ ہوگا۔