تازہ ترین
  • بریکنگ :- راناتنویرکی صدارت میں پبلک اکاؤنٹس کمیٹی کااجلاس
  • بریکنگ :- پی اےسی اجلاس میں نیب آڈٹ کےاعتراضات کاجائزہ
  • بریکنگ :- ڈی جی نیب کی پی اےسی کونیب کی کارکردگی پربریفنگ
  • بریکنگ :- نیب نےاکتوبر 2021 تک 821 ارب 57 کروڑریکورکیے،ڈی جی نیب
  • بریکنگ :- نیب نے 500 ارب سےزائدکی ان ڈائریکٹ ریکوری کی،ڈی جی نیب
  • بریکنگ :- ریکوری کیش،زمین،ہاؤسنگ سوسائٹیز،کورٹ کیسزسےکی گئی،بریفنگ
  • بریکنگ :- ہمیں ان کیسز کی مکمل تفصیلات بتائی جائیں،ایازصادق
  • بریکنگ :- بک انٹری سمیت ایک ایک چیز کی تفصیل چاہیے،چیئرمین پی اےسی
  • بریکنگ :- سب سےزیادہ ریکوریاں راولپنڈی سے 294 ارب کی گئیں،ڈی جی نیب
  • بریکنگ :- سب سےکم ریکوریاں بلوچستان سے 51 کروڑکی کیں،نیب حکام
  • بریکنگ :- لاہور 84 ارب 17 کروڑ،کراچی سے 88 ارب 28 کروڑریکور،ڈی جی نیب

وزیراعظم کو بوٹ والی بات پسند نہیں آئی: وفاقی وزیر فیصل واوڈا

Last Updated On 16 January,2020 09:13 am

اسلام آباد: (روزنامہ دنیا) وفاقی وزیر فیصل واوڈا نے کہا ہے کہ بوٹ کے معاملے پر وزیراعظم سے میری بات ہوئی ہے۔ پروگرام میں بوٹ لے جانے کی ذمے داری میری تھی، وزیراعظم کو میری بوٹ والی بات پسند نہیں آئی، وزیر اعظم عمران خان نے ان سے انگریزی زبان میں کہا کہ وہ میری بوٹ والی حرکت سے خوش نہیں ہیں۔ انہوں نے وزیر اعظم سے کہا کہ وہ آئندہ ایسی کوئی حرکت نہیں کریں گے، جس کے بعد معاملہ ختم ہوگیا۔

ٹی وی پروگرام میں گفتگو کرتے ہوئے فیصل واوڈا کا مزید کہنا تھا کہ میں بوٹ تھیلے میں لے کر گیا تھا، تمام اداروں اور ان کی قربانیوں کی عزت کرتے ہیں، نواز شریف کی چارج شیٹ کارگل سے شروع ہوتی ہے، طیارہ ہائی جیک کیس میں نواز شریف کس کو بھارت بھیج رہے تھے ؟ خلائی مخلوق کس کا بیانیہ تھا ؟ نواز شریف نے کہا تھا کارگل کی تحقیقات کروں گا تو کس کے بارے میں کہا تھا ؟ نواز شریف نے بیانیہ تبدیل کیا، ووٹ کو عزت دو کا بیانیہ دے کر قوم کو ورغلایا گیا، ججوں کو کہا گیا لوہے کے چنے ہیں چبا کر دکھاؤ، نواز شریف بھارتی بزنس مین کو بغیر ویزے کے لے آئے، بھارتی وکیل نے نواز شریف کے بیانیے کا حوالہ دیا۔

فیصل واوڈا نے کہا مجھے پیمرا کے قوانین کا پتہ نہیں تھا اور میں نے کسی کی تذلیل نہیں کی، میرا بوٹ لانے کا اقدام غلط تھا یا صحیح تھا، میں نے ان کا اصل چہرہ قوم کو دکھایا ہے، نواز شریف اور مریم نواز معافی مانگ لیں تو میں بھی مانگ لوں گا۔ اگر میں نے عدلیہ یا فوج کی بارے میں کوئی بات کی ہوتی تو میں سڑک پر کھڑے ہو کر سو دفعہ معافی مانگ لیتا۔ ہم تو چاہتے ہیں کہ ہر کوئی اداروں کی عزت کرے ، اداروں کو متنازعہ نہ بنائے، ہم تو بہت خوش ہیں کہ نواز شریف اوران کی پارٹی نے ہمارے موقف کی تائید کی ہے۔