کراچی: (دنیا نیوز) کراچی کے علاقے ملیر ٹنکی کے قریب الیکٹرانکس کی دکانوں میں آگ لگ گئی، فائر بریگیڈ کی5 گاڑیوں نے آگ پر قابو پایا۔
صبح سویرے کراچی کے علاقے ملیرٹنکی کے قریب الیکٹرانکس کی دکان میں آگ لگ گئی جس نے دیکھتے ہی دیکھتے قریب کی دکانوں کو بھی اپنی لپیٹ میں لے لیا۔ الیکٹرانکس، ہوم اپلائنسز سمیت دیگر 12 سے 13 دکانوں اور گودام تک آگ پھیل گئی۔
اطلاع پر فائربریگیڈ کی 5 گاڑیاں موقع پر پہنچیں۔ چند گھنٹوں کی جدوجہد کے بعد آگ پر قابو پایا گیا۔۔ پولیس کے مطابق آگ لگنے کی وجہ تاحال معلوم نہیں ہوسکی ہے۔ واقعے میں ہوم اپلائنسز اور الیکٹرانکس کی دکانوں میں موجود سارا سامان اور تاریں جل گئیں جبکہ ایک دکان کی چھت بھی گر گئی۔
