اسلام آباد: (روزنامہ دنیا) ایمپلائز اولڈ ایج بینیفٹس انسٹیٹیوشن نے ریٹائرڈ ملازمین اور ان کی بیوا ئوں کے ناموں کی فہرست اپنی ویب سائٹ پر جاری کر دی
ایمپلائز اولڈ ایج بینیفٹس انسٹیٹیوشن نے ریٹائرڈ ملازمین اور ان کی بیوا ئوں کے ناموں کی فہرست اپنی ویب سائٹ پر جاری کر دی ۔ای او بی آئی کے مطابق ریٹائرڈ ملازمین یا ان کی بیوائیں اپنی پنشن کیلئے ای او بی آئی کے رجسٹریشن کارڈ یا پرانے یا نئے قومی شناختی کارڈ نمبر کے ذریعے ہماری ویب سائٹ پر موجود فہرست میں اپنا نام دیکھ کرسکتے ہیں یا ان دستاویزات کے ساتھ اپنی پنشن کیلئے ای او بی آئی کے نزدیکی دفتر سے رجوع کرسکتے ہیں ۔ای او بی آئی کے اعلان کے مطابق پنشن کی عمر کو پہنچنے والے لیکن لاعلمی کے باعث اب تک پنشن نہ لینے والے ریٹائرڈ ملازمین یا ان کی بیوائوں کیلئے پنشن حاصل کرنے کا یہ نادر موقع ہے ۔ای او بی آئی سے 4 لاکھ ریٹائرڈ،معذور ملازمین اور ان کی بیوائیں ماہانہ پنشن حاصل کر رہی ہیں۔
