اسلام آباد: (دنیا نیوز) معاون خصوصی اطلاعات فردوس عاشق اعوان نے کہا ہے کہ آج 23 فروری کا دن، یوم مزاحمت نسواں کشمیر بھارتی مظالم کا سیاہ دن ہے، بھارتی افواج نے نہتی خواتین کی بےحرمتی کی بھیانک مثال قائم کی۔
معاون خصوصی فردوس عاشق نے ٹویٹر پیغام میں کہا ہے کہ آج کے دن بہادر کشمیری خواتین کوسلام پیش کرتے ہیں، بھارت میں اقلیتوں کے حقوق کو روندا جا رہا ہے، کوئی جبر خواتین کو حق خودارادیت کی منزل سے دور نہیں کرسکتا۔
.jpg)
انہوں نے مزید کہا کہ مودی کے فسطائی ایجنڈے اورنفرت کی آگ میں خود بھارت جل رہا ہے، بھارتی مرد اور خواتین سڑکوں پر احتجاجاً موجود ہیں، شاہین باغ کا احتجاج 60 ویں دن میں داخل ہو چکا۔
