تفصیل کے مطابق سندھ حکومت نے پلان میں تبدیلی کرتے ہوئے صبح 8 بجے سے شام 8 بجے تک شہر کراچی میں موثر لاک ڈاؤن کی ہدایت کر دی ہے۔

صوبائی وزیر اطلاعات سید ناصر شاہ نے کہا ہے کہ نئے پلان کے تحت شام 8 بجے سے صبح 8 بجے تک تمام کریانے سٹور بند رکھیں جائیں گے تاہم کراچی کے تمام ہسپتال 24 گھنٹے کھلے رہیں گے۔ اس کے علاوہ وزیراعلیٰ نے بینکنگ سیکٹرز کو ضروری برانچ کھلنے کی ہدایت کر دی ہے۔

عوام سے مؤدبانہ اپیل کرتا ہوں کہ گھر وں میں رہیں-

پاکستان کے ہرشہری کوعدم سنجیدگی اورلاپروائی کوقطعی ترک کرکے بلاتاخیر حکومتی احکامات پرعمل کریں اور احتیاطی تدابیر کوقومی فریضہ سمجھتے ہوئےپورےاہتمام سےاختیارکریں۔ #COVID_19 #COVID19Pakistan #CoronavirusPandemic #CoronaVirus pic.twitter.com/VjPuTnpkfz

— Syed Nasir Hussain Shah (@SyedNasirHShah) March 24, 2020

دوسری جانب کرونا وائرس پھیلنے سے پیدا شدہ صورتحال پر صوبائی وزیر اطلاعات ناصر حسین شاہ نے اپنے ٹویٹ میں کہا ہے کہ میں عوام سے ہاتھ جوڑ کر اپیل کرتا ہوں کہ گھروں پر رہیں۔ عوام حکومتِ سندھ کے احکامات اور ہیلتھ ایڈوائزری پر سختی سے عمل کریں، ورنہ ہمیں مجبوراً سخت اور مشکل اقدام لینے پڑے گا۔

Though the lockdown has still not been 100% successful, one can see that less number of people have tested positive despite an increase in total tests. Imagine the result if all us pledge to stay home & keep our near & dear ones home

— SenatorMurtaza Wahab (@murtazawahab1) March 24, 2020

ادھر سینیٹر مرتضیٰ وہاب نے بھی اپنے ٹویٹ میں کہا ہے کہ اگرچہ شہریوں کی جانب سے لاک ڈاؤن کی پابندی پر 100 فیصد عمل نہیں کیا جا رہا لیکن اس کے باجود کرونا وائرس کے متاثرہ مریضوں کی تعداد میں کمی ہوئی ہے۔

انہوں نے لکھا کہ تصور کریں کہ اگر ہم سب ہدایات پر عمل کرتے ہوئے گھروں میں قیام کریں تو اس کے کیا مثبت نتائج برآمد ہو سکتے ہیں۔