اسلام آباد: (دنیا نیوز) وفاق وزیر سائنس وٹیکنالوجی فواد چودھری نے دعویٰ کیا ہے کہ دو سے تین دنوں میں پاکستان کی کورونا ٹیسٹنگ کٹ دستیاب ہوگی۔
اسلام آباد میں میڈیا سے گفتگو میں فواد چودھری کا کہنا تھا کہ نسٹ یونیورسٹی نے کورونا ٹیسٹنگ کٹس، ڈرون سپرے اور وینٹی لیٹرز کے نمونے تیار کر لیے ہیں۔ چند ہفتوں میں ڈیڑھ لاکھ کٹس بنانے کے قابل ہو جائیں گے۔ پاکستان جلد وینٹی لیٹرز ایکسپورٹ بھی کرے گا۔
نسٹ کی تیار کردہ کورونا وائرس کی تشخیصی کٹس کی ڈریپ نے منظوری دی ہے
— PTV News (@PTVNewsOfficial) April 2, 2020
کل سےنسٹ کی کورونا تشخیصی کٹس کا ٹرائل شروع ہوجائیگا
حکومت کو ڈیڑھ لاکھ کٹس فراہم کرنے کی استعداد رکھتے ہیں:وزیر سائنس و ٹیکنالوجی چوہدری فواد حسین@fawadchaudhry pic.twitter.com/AlfKOetQJx
وفاقی وزیر سائنس اینڈ ٹیکنالوجی فواد چودھری نے نسٹ یونیورسٹی اسلام آباد کا دورہ کیا اور تیارہ کردہ کورونا ٹیسٹنگ کٹس، وینٹی لیٹرز، سینیٹائزرز اور کورونا ڈرون سپرے کے نمونوں کا جائزہ لیا۔
میڈیا سے گفتگو میں فواد چودھری نے یہ نوید بھی سنائی کہ پاکستان بہت جلد وینٹر لیٹرز ایکسپورٹ بھی کرے گا۔ ایک سوال پر وفاقی وزیر کا کہنا تھا کہ پندرہ اپریل تک کورونا کے مریضوں کی تعداد دیکھنے کے بعد لاک ڈاؤن بڑھانے سے متعلق فیصلہ کیا جائے گا۔
