اسلام آباد: (ویب ڈیسک) سائنس و ٹیکنالوجی کے وزیر فواد چودھری نے اس بات پر خوشی کا اظہار کیا ہے کہ ایک طویل عرصے کے بعد ملک بھر اور مسلم دنیا میں ایک ہی دن عید منائی جا رہی ہے۔
انہوں نے عیدالفطر کے پرمسرت موقع پر ریڈیو پاکستان کے خبروں اور حالات حاضرہ کے چینل کے ساتھ اپنے جذبات کا اظہار کرتے ہوئے کہا کہ اس سے اتحاد یکجہتی کا پیغام گیا ہے۔
ان کا کہنا تھا کہ موجودہ صورتحال میں لوگوں کو عید سادگی کے ساتھ منانی چاہیے اور کورونا وائرس کے پھیلاؤ کو روکنے کیلئے انہیں گھروں پر ہی رہنا چاہیے۔
ریڈیو پاکستان کے ملازمین کی خدمات کو سراہتے ہوئے انہوں نے کہا کہ انہوں نے کورونا وائرس کی عالمی وبا کے دوران ہر اول دستے کے طور پر تندہی اور لگن کے ساتھ کام کیا ہے۔
