اسلام آباد: (دنیا نیوز) پاک چین اقتصادی راہداری سی پیک اتھارٹی کے چیئرمین عاصم سلیم باجوہ سے چین کے سفیر نے ملاقات کی جس میں مستقبل کے منصوبوں پر تبادلہ خیال کیا گیا۔
تفصیل کے مطابق چین پاکستان اقتصادی راہداری کے چیئرمین لیفٹیننٹ جنرل ریٹائرڈ عاصم سلیم باجوہ نے کہا ہے کہ چین کے سفیر نے سی پیک کی پیش رفت اور رفتار پر مکمل اعتماد کا اعادہ کیا ہے۔
In a mtng on future projects, Chinese Ambassador reaffirmed full confidence of his Govt on progress&pace of CPEC.Reassured-his govt fully ready to expand scope of CPEC to private sector&bringing FDI to Pakistan will be his focus this financial year #CPEC #CPECMakingProgress pic.twitter.com/DdrmwErRod
— Asim Saleem Bajwa (@AsimSBajwa) June 4, 2020
عاصم سلیم باجوہ نے ایک ٹویٹ میں کہا کہ چین کے سفیر نے مستقبل کے منصوبے کے بارے میں ایک اجلاس میں یقین دہانی کرائی کہ ان کی حکومت راہداری کو نجی شعبے تک توسیع دینے کیلئے مکمل طور پر تیار ہے۔
چیئرمین سی پیک اتھارٹی نے بتایا کہ چینی سفیر نے ملاقات کے دوران کہا کہ رواں مالی سال کے دوران براہ راست غیر ملکی سرمایہ کاری کو پاکستان لانا ان کی توجہ کا مرکز ہوگا۔
