اسلام آباد: (ویب ڈیسک) صدر مملکت ڈاکٹر عارف علوی کا کہنا ہے کہ ہماری معیشت اور موجود وسائل بے قابو انداز سے بڑھتی ہوئی آبادی کی وجہ سے ہمیشہ دباؤ کا شکار رہیں گے۔ اسلامی ممالک میں آبادی میں اضافہ کی روک تھام کے لیے جامع مہم کی منصوبہ بندی کی جا رہی ہے۔
سماجی رابطے کی ویب سائٹ ٹویٹر پر جاری کردہ اپنے بیان میں صدر مملکت کا کہنا تھا کہ اس عدم توازن میں ہم ایک نہ ختم ہونے والے دائرے کے رحم وکرم پر ہمیشہ غربت، خراب زچگی صحت، غذائی قلت اور جسمانی کمزوری سے لڑتے رہیں گے۔ ایسے میں کیا کیا جائے؟
ہماری معیشت اور موجود وسائل بے قابو انداز سے بڑھتی ہوئی آبادی کی وجہ سے ہمیشہ دباؤ کا شکار رہیں گے۔ اس عدم توازن میں ہم ایک نہ ختم ہونے والے دائرے کے رحم وکرم پر ہمیشہ غربت، خراب زچگی صحت، غذائی قلت اور جسمانی کمزوری سے لڑتے رہیں گے۔ ایسے میں کیا کیا جائے؟#WorldPopulationDay 1/4
— Dr. Arif Alvi (@ArifAlvi) July 11, 2020
ٹویٹر پر انہوں نے مزید لکھا کہ میرا مشورہ ہے کہ ایسے میں ہمیں رضاعت (Breast Feeding) کو فروغ دینا ہو گا۔ یہ قرآنی تعلیمات کے عین مطابق ہے جس میں بچے کو 36-24 ماہ دودھ پلانے کی تاکید ہے۔
ایسے میں ہمیں رضاعت (Breast Feeding) کو فروغ دینا ہو گا۔یہ قرآنی تعلیمات کے عین مطابق ہے جس میں بچے کو 36-24 ماہ دودھ پلانے کی تاکید ہے۔ یہ قدم اس عرصے میں حمل سے بچاتا ہے،ماں کی غذائیت کی کمی پوری ہوتی اور بچے کی جسمانی نشوونما بھی بہتر ہوتی ہے۔ اس میں علماء کا اہم کردار ہے۔ 2/4
— Dr. Arif Alvi (@ArifAlvi) July 11, 2020
ڈاکٹر عارف علوی کا کہنا تھا کہ یہ قدم اس عرصے میں حمل سے بچاتا ہے، ماں کی غذائیت کی کمی پوری ہوتی اور بچے کی جسمانی نشوونما بھی بہتر ہوتی ہے۔ اس میں علماء کا اہم کردار ہے۔
پاکستان میں مانع حمل ادویات تک رسائی نہ ہونے کی وجہ سے 40 لاکھ بلا خواہش زچگیاں ہوتی ہیں۔ صدر مملکت کی زیرِ نگرانی ٹاسک فورس برائے آبادی اِسے ایک آسان ٹارگٹ سمجھتی ہے جس کے جلد نتائج آ سکتے ہیں۔ لہازا ہم انکی پاکستان میں مینوفیکچرنگ کی اور اس صنعت کی حوصلہ افزائی کر رہے ہیں۔ 3/4
— Dr. Arif Alvi (@ArifAlvi) July 11, 2020
صدر مملکت کا مزید کہنا تھا کہ پاکستان میں مانع حمل ادویات تک رسائی نہ ہونے کی وجہ سے 40 لاکھ بلا خواہش زچگیاں ہوتی ہیں۔ صدر کی زیرِ نگرانی ٹاسک فورس برائے آبادی اِسے ایک آسان ٹارگٹ سمجھتی ہے جسکے جلد نتائج آ سکتے ہیں۔ لہٰذا ہم انکی پاکستان میں مینوفیکچرنگ کی اور اس صنعت کی حوصلہ افزائی کر رہے ہیں۔
میڈیا کا اس حوالے سے اہم کردار ہے۔ میڈیا نے کورونا کے تدارک کیلئے حفاظتی تدابیر کو فروغ دینے میں اہم کردار ادا کیا ہے۔ باقی اسلامی ممالک کی طرز پر پاکستان میں بھی ایک آگاہی مہم تیار ہے۔ جیسا کہ وزیرِ اعظم نے مجھ سے ٹاسک فورس کی سربراہی دیتے ہوئے کہا "یہ ایک قومی ایمرجنسی ہے"۔ 4/4
— Dr. Arif Alvi (@ArifAlvi) July 11, 2020
انہوں نے مزید کہا کہ میڈیا کا اس حوالے سے اہم کردار ہے۔ میڈیا نے کورونا کے تدارک کیلئے حفاظتی تدابیر کو فروغ دینے میں اہم کردار ادا کیا ہے۔ باقی اسلامی ممالک کی طرز پر پاکستان میں بھی ایک آگاہی مہم تیار ہے۔ جیسا کہ وزیرِ اعظم نے مجھ سے ٹاسک فورس کی سربراہی دیتے ہوئے کہا کہ یہ ایک قومی ایمرجنسی ہے۔
