اسلام آباد: (دنیا نیوز) وزیراعظم عمران خان کا کہنا ہے کہ ملک میں احتساب کا عمل سخت ہو گیا، اپوزیشن فنانشل ایکشن ٹاسک فورس (ایف اے ٹی ایف) کی گرے لسٹ سے باہر نکلنے کی کوششوں کو سبوتاژ کر رہی ہے۔ یہ تو ملکی معیشت کو تباہ کر کے پاکستان کو بلیک لسٹ میں شامل کروا دیتے۔
سماجی رابطے کی ویب سائٹ ٹویٹر پر جاری کردہ اپنے ایک بیان میں وزیراعظم عمران خان کا کہنا تھا کہ سینیٹ میں فنانشل ایکشن ٹاسک فورس (ایف اے ٹی ایف) سے متعلقہ دو بل مسترد کر دیئے گئے۔ ان بلوں میں اینٹی منی لانڈرنگ اور اسلام آباد وقف املاک شامل تھے۔
Today in Senate the opposition defeated 2 critical FATF-related bills: Anti Money Laundering & ICT Waqf bills. From day one I have maintained that the self-serving interests of the opposition leaders & the country s interests are divergent. As accountability noose has tightened,
— Imran Khan (@ImranKhanPTI) August 25, 2020
ان کا کہنا تھا کہ پہلے دن سے میں کہہ رہا ہوں اپوزیشن رہنماؤں کے مفادات ملکی مفادات سے متصادم ہیں ہیں، احتساب کا عمل سخت ہوگیا ہے۔ اب ایف اے ٹی ایف کی گرے لسٹ سے باہر نکلنے کی کوششوں کو سبوتاژ کیا جا رہا ہے، اپوزیشن رہنما پارلیمنٹ کو کام کرنے سے روکنے کی کوشش کر کے اپنے کرپٹ پیسے کو بچانے کے لئے سرگرم ہیں۔
بات کو جاری رکھتے ہوئے عمران خان کا کہنا تھا کہ حکومت کی مؤثر کووڈ 19 حکمت عملی عالمی سطح پر کامیابی کی ایک پہچان بن چکی ہے، اپوزیشن نے پہلے کووڈ پالیسی کی کمزور کرنے کی کوشش کی۔ اب ایف اے ٹی ایف کی گرے لسٹ سے باہر نکلنے کی کوششوں کو سبوتاژ کیا جا رہا ہے۔
یہ بھی پڑھیں: نواز شریف کو فوراً وطن واپس لایا جانا چاہیے: وزیراعظم عمران خان
وزیراعظم کا مزید کہنا تھا کہ پاکستان میں اپوزیشن اپنی لوٹ مار کو بچانے کے لئے جمہوریت کے پیچھے چھپنے کی کوشش کرتی ہے، اپوزیشن نے این آر او حاصل کرنے کے لئے نیب کو بدنام اور حکومت کو بلیک میل کیا۔ یہ تو ملکی معیشت کو تباہ کرکے پاکستان کو ایف اے ٹی ایف کی بلیک لسٹ میں شامل کروادیتے۔
Opposition tries to hide behind facade of democracy to protect their loot & plunder. To blackmail for NRO by defanging NAB, they would even have Pak put on FATF black list to destroy nation s economy & increase poverty. They keep threatening to bring down govt unless given NRO.
— Imran Khan (@ImranKhanPTI) August 25, 2020
ان کا کہنا تھا کہ اپوزیشن این آر او حاصل کرنے کے لیے حکومت کو مسلسل دھمکا رہی ہے۔ یہاں واضح کرنا چاہتا ہوں کچھ بھی ہو جائے، این آر او نہیں ملے گا، این آر او دینا قوم کے اعتماد کے ساتھ غداری ہوگی۔
بات کو جاری رکھتے ہوئے عمران خان کا کہنا تھا کہ ہم نے ملکی دولت لوٹنے والوں کو جوابدہ ٹھہرانے کا مینڈیٹ لیا ہے، سابق صدر جنرل (ر) پرویز مشرف نے دو این آر اوز دیے جس سے ہمارا قرض چار گنا بڑھا اور معیشت تباہ ہوئی، ملک مزید کسی این آر او کا متحمل نہیں ہو سکتا۔
Let me make clear: No matter what happens, my govt will not allow any NRO as it would be betrayal of nation s trust in holding plunderers of public wealth accountable. Musharraf gave NROs to the 2 pol ldrs which quadrupled our debt & destroyed economy. There will be no more NROs
— Imran Khan (@ImranKhanPTI) August 25, 2020
وزیراعظم نے کہا کہ اپوزیشن لیڈر اب ملک کو گرے لسٹ سے نہیں نکلنے دے رہے، اپوزیشن معیشت تباہ کرکے ملک میں غربت بڑھانا چاہتی ہے۔ اپوزیشن نے پاکستان کو بلیک لسٹ کی طرف دھکیل دیا ہے۔
