اسلام آباد: (دنیا نیوز) چینی سفیر یاؤجنگ نے رشکئی اقتصادی زون کے ترقیاتی معاہدے پر تیز رفتاری سے عملدرآمد ہونے پر پاکستان کا شکریہ ادا کیا ہے۔
تفصیل کے مطابق چیئرمین سی پیک اتھارٹی لیفٹیننٹ جنرل ریٹائرڈ عاصم سلیم باجوہ سے چینی سفیر یاؤجنگ نے ملاقات کی جس میں رشکئی سپیشل اکنامک زون ترقیاتی معاہدے پر تیز رفتاری سے کام کرنے پر پاکستان کا خصوصی طور پر شکریہ ادا کیا۔
منگل کو سماجی رابطوں کی ویب سائٹ ٹویٹر پر جاری اپنے بیان میں عاصم سلیم باجوہ نے کہا کہ چینی سفیر یاؤجنگ نے ان سے ملاقات کی اور رشکئی سپیشل اکنامک زون ترقیاتی معاہدے پر تیز رفتاری سے کام کرنے پر پاکستان کا خصوصی طور پر شکریہ ادا کیا۔
Great meeting with Chinese Ambassador HE Yao Jing, he specially thanked Pakistan for expeditious work on Rashakai SEZ Development Agreement. Our focus remained on framework to bring private sector in Agriculture& industrialisation. #cpec #CPECMakingProgress pic.twitter.com/m0M8LpC2DB
— Asim Saleem Bajwa (@AsimSBajwa) September 15, 2020
چیئرمین سی پیک اتھارٹی عاصم سلیم باجوہ نے کہا کہ ملاقات میں ہماری توجہ زراعت اور صنعتی میدان میں نجی شعبے کو لانے کے فریم ورک پر مرکوز رہی۔
