اسلام آباد: (دنیا نیوز) وفاقی دارالحکومت کے تھانہ نون کے علاقے میں خاتون سے مبینہ زیادتی، ملزم ایک گھنٹے تک خاتون پر تشدد کرتا رہا۔
اسلام آباد میں ایک اور سفاک شخص نے خاتون کو اپنی ہوس کا نشانہ بنا ڈالا، ملزم کار دکھانے خاتون کے گھر آیا تھا اور اسے اکیلا پا کر جرم کا ارتکاب کیا۔ خاتون کا کہنا تھا کہ گھریلو استعمال کیلئے کار لینا چاہتی تھی، ملزم محمد نعیم سے بات ہوئی جس نے خاتون کو گاڑی لے کر دینے کا کہا۔ خاتون کی مدعیت میں مقدمہ درج کر لیا گیا ہے جس کے مطابق ملزم نعیم ایک گھنٹے تک وحشیانہ تشدد بھی کرتا رہا۔
واضح رہے کہ زیادتی کے بڑھتے واقعات کے سبب حکومت کی جانب سے مجرموں کو سخت سزا دینے کیلئے ڈرافٹ تیار کیا جا رہا ہے، چند روز قبل لاہور موٹروے پر خاتون سے زیادتی واقعے کیخلاف پہلے ہی ملک بھر میں شدید احتجاج جاری ہے۔
